Kituo cha Uhusiano wa Kimataifa cha Dkt. Salim Ahmed Salim

Itifaki na maadili ni misingi muhimu inayoratibu mahusiano rasmi na mawasiliano katika mazingira ya kazi na kijamii. Uelewa wa itifaki husaidia kuimarisha heshima, nidhamu, na uwiano katika utendaji wa shughuli mbalimbali, hususan katika taasisi za umma na binafsi.

Katika muktadha huu, kozi fupi kuhusu Itifaki na Maadili inaanza leo, ikiwa na lengo la kuwawezesha washiriki kupata ujuzi na stadi za kufuata taratibu rasmi katika mazingira ya kitaaluma na kijamii. Kozi hii itadumu kwa siku tano, ambapo washiriki watapata maarifa muhimu kuhusu mbinu bora za mawasiliano rasmi, mavazi stahiki, matumizi sahihi ya lugha, na umuhimu wa heshima na adabu katika mazingira mbalimbali.

Kupitia kozi hii, washiriki wataimarisha ufanisi wao katika kuwasiliana na kushirikiana na wengine kwa kuzingatia viwango vya juu vya maadili na itifaki.